دئديم: ائي غنچه دهان ، كونلومو قان ائيله ميسن ،
دئدي: بيجا يئره عشقيمده فغان ائيله ميسن !
دئديم: اينصاف ائله ، اينجيتمه مني ، عاشيقينم
دئدي: گئت ، سريمي دونيايا عيان ائيله ميسن !
دئديم: آغلاتما مني سرو بويون شوقوندا ،
دئدي: گوز ياشيني بيهوده روان ائيله ميسن !
دئديم: آخر ، گوزه ليم، باغ وبهاريم سن سن ،
دئدي:سن عومرونو حسرتله خزان ائيله ميسن !
دئديم: آز چكمه ميشم گوزلرينين حسرتيني ،
دئدي: اوز كونلونو يئر سيز نيگران ائيله ميسن
